Tilbaka í Fréttir

Innlit í Samansafnið að Sólheimum á Safnahelgi

Gamall rauður pallbíll á Samansafninu á Sólheimum

Þessi glæsilegi fararskjóti er á meðal safngripa á Sólheimum.

Framlag Upplits til Safnahelgar á Suðurlandi verður innlit í Samansafnið að Sólheimum í Hrunamannahreppi helgina 6.-7. nóvember, kl. 13-17 báða dagana. Þar mun Esther Guðjónsdóttir taka á móti gestum og sýna þeim ýmsa muni sem hún og fjölskylda hennar hafa sankað að sér á liðnum árum. Á safninu eru hlutir á öllum aldri tengdir búskap og húshaldi, bílar, bílabækur o.fl.  Kl. 14 á laugardeginum flytur Esther erindi um sæluhús á afrétti Hrunamanna, um sögu og uppbyggingu húsanna í máli og myndum, og heimasætan Erla Jóhannsdóttir kveður rímur.